Абдуқодир Ҳусанов Ўзбекистон миллий терма жамоаси ҳамда “Ланс”даги ўйинлари билан бир қатор катта клублар назарига тушди.
Европадаги манбалар 20 ёшли ўзбек футболчиси Англия, Германия ва Франция чемпионатларида “Арсенал”, “Тоттенхэм”, “Челси”, “Эвертон”, “Ньюкасл”, “Байер”, “Марсель”, “Пари Сен-Жермен” каби гранд клублар кузатувида эканини ёзмоқда.
Ўз навбатида, “Ланс” мухлислари Абдуқодир Ҳусановнинг трансфери борасидаги маълумотларга ўз муносабатларини билдирмоқда.
PAT:
Биринчи навбатда, Абдуқодир Ҳусановни қўйиб юборишга шошилмаслигимиз керак. Ўйини шу тарзда барқарор ривожланадиган бўлса, трансфер нархи ҳам ҳали яна бир неча баравар ошади.
SYL1362:
Ҳусанов 50 миллион еврога арзийдиган ўйинчи. Бу ҳимоячига муносиб харидор топиш керак. Кўп нарса спорт директори Дреоссининг футболчини юқори баҳолаб, уни даъвогарга ўтказишдаги маҳоратига боғлиқ.
BASS62:
Биринчи ўринда Абдуқодир Ҳусановни эмас, Кевин Дансони сотиб юбориш керак. Бу трансфер клубга пул келтиришдан ташқари, маошлар фондига анча енгиллик бўлади. Лекин клуб қишда Дансони ҳам, Ҳусановни ҳам қўйиб юборишига бир сония бўлса ҳам ишонмайман.
Бундан ташқари, Ҳусанов жамоада муқим ўрни борлигини билади. Дансо билан ҳам, у бўлмаса ҳам ўйнайверади. Ҳусанов “Ланс”нинг келажаги ва асосий таянчига айланиб бўлди.
BONAPARTE:
Ҳусанов энди гранд клублар назаридан четда қолмайди. Яқинлашиб келаётган трансферлар ойнасими ёки ундан кейингидами, барибир уни ушлаб қолиш жуда қийин ишга айланади. “Ланс” мўмай даромад олиш ва жамоадаги рақобатбардошликни ушлаб қолишда муҳим мувозанатни топиши талаб этилади.
VIEUX SUPPORTER:
Ҳусановнинг ёши, футболдаги келажаги, юқори салоҳиятини инобатга олиб, уни 60 миллион евродан камига қўйиб юбормаслик керак.
FD:
Абдуқодир буюк футболчи, биз уни таркибда олиб қолишимиз керак. Фақат фавқулодда катта сумма тикилганида қўйиб юбориш мумкин. Яхшиси, Ҳусановни олиб қолиб, Дансони сотиб юборган маъқул.
ROMSES78:
Ҳар қандай сумма таклиф қилинишидан қатъи назар, уни қабул қилсак, Ҳусанов биз учун катта йўқотишга айланади. ПСЖга қўйиб юборишимизга ҳали бироз эрта, деб ўйлайман.
LENSOISDECOEUR62:
Ҳусанов Англиянинг гранд клублари олиб кетишини кутиши керак. Абдуқодир Англия Премьер-лигасида ҳам ўйнай олади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
1 декабрдан қонунчиликда нималар ўзгаради?
Медведев Россия НАТО ҳарбий базаларига зарба йўллаши мумкинлигини истисно қилмади
Германия разведкаси раҳбари: “Россия яқин йилларда НАТОга ҳужум қилиши мумкин”
Эрон Исроил билан кенг кўламли урушга тайёрлигини маълум қилди
100 млн сўмгача бўлган кредитлар соддалаштирилган тартибда ажратилади
Путин Украинанинг ядровий бомба яратишига йўл қўймасликка ваъда берди
Словакия бош вазири Путиннинг таклифини қабул қилди
Япон психиатри қийинчиликларни қандай енгиш ва мазмунли яшаш сирларини айтди
