Францияда футболни ёритиб бораётган манбалар ҳар бир учрашувдан кейин жамоалар ўйини, футболчилар ҳаракатини таҳлил қилиб бориши яхши анъанага айланган.
Лига 1 турнирининг 15-турида “Ланс” жамоаси “Осер” футболчилари меҳмони бўлиб, сафар учрашуви 2:2 ҳисобида дуранг ўйнади ва бир очкони қўлга киритди.
Футболга ихтисослашган нуфузли манбалардан бири – le11hdf.fr портали “Ланс” мухлислари ўртасида сўровнома ўтказиб, учрашувда жамоанинг энг яхши ўйинчиси ким эканини аниқлади.
Сўровноманинг умумий натижасига кўра, энг кўп овоз тўплаган Абдуқодир Ҳусанов “Осер”га қарши баҳсда “Ланс”нинг энг яхши ўйинчиси, деб эътироф этилди.
Натижалар қуйидагича кўриниш олди:
- Абдуқодир Ҳусанов: 29%
- Пшемислав Франковски: 21%
- Нил Эл-Айнауи: 20%
- Реми Лабо Ласкари: 10%
- Мбала Нзола: 9%
- Эдриан Томассон: 6%
- Анжело Фульжини: 2%
- Брис Самба, Кевин Дансо, Факундо Медина: 1%
- Анасс Зарури: 0%
- Абдуқодир Ҳусанов ҳар доимгидек яна биринчи бўлди. Бу ҳеч ким учун сюрприз эмас, балки одатий ҳолга айланиб қолди. Ҳар бир учрашувда ўзбек легионери жамоанинг энг яхши ўйинчиларидан эканини исботлаб келмоқда.
“Осер”га қарши кечган баҳсда ҳам шундай бўлди. Рақиб футболчилари Ҳусановдан ҳайиқиб ўйнади. Абдуқодир билан тўқнаш келган Поль Жоли симуляция орқали пенальти ишламоқчи бўлди. Катта тезлик, ўйинни назорат қила олиш қобилияти билан Ҳусанов ҳимоядаги вазифаларини уддалаш баробарида ҳужум ташкил этишда ҳам фаоллик кўрсатди, - деб ёзмоқда le11hdf.fr портали эксперти Энцо Пайлот.
Таъкидлаш жоизки, “Ланс” футболчилари орасида учрашувнинг энг яхши ўйинчиси эътирофига эга бўлишда Абдуқодир Ҳусановга етадигани йўқ. Ҳамюртимиз жорий мавсумда саккизинчи учрашувда энг зўр футболчи номини қўлга киритди.
Бу борада умумий рўйхат қуйидагича кўриниш олган:
- Уэсли Саид: “Анже”га қарши учрашувда энг яхши футболчи.
- Кевин Дансо: “Панатинаикос”.
- Йоаннер Чавес: “Брест”.
- Абдуқодир Ҳусанов: “Панатинаикос”, “Монако”, “Лион”, “Ницца”, “Страсбур”, “Сент-Этьен”, “Монпелье”, “Осер”.
- Брис Самба: “Ренн”, ПСЖ.
- Факундо Медина: “Лилль”.
- Адриен Томассон: “Нант”, “Марсель”, “Реймс”
Бундан ташқари, 20 ёшли марказий ҳимоячимиз “Ланс”нинг сентябрь ва октябрь ойларидаги энг яхши футболчиси, деб топилди. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хорижлик мутахассислар учун 2024 йилдаги энг яхши шаҳарлар рейтинги эълон қилинди
Туркия Суриянинг янги ҳукуматини ҳарбий соҳада қўллаб-қувватламоқчи
Наманганда халқаро кўргазма: қиймати хонадонга тенг отлар, 200 килоли қўйлар ва осмонга учирилган кабутарлар (фото, видео)
Эртага Муроджон Аҳмадалиев профессионал боксдаги навбатдаги жангини ўтказади
Абдуқодир Ҳусановнинг трансфер баҳоси Роналдуники билан тенглашди, навбат Мессига(ми?)
Финляндия сафарбарликдан қочган россияликларга бошпана бермай қўйди
Маҳкумларга масофали видео-учрашув ҳуқуқи берилиши мумкин
Хонанда ва актриса Селена Гомес турмушга чиқмоқда (фото)
