Асосий таркибга ёриб кирган марказий ҳимоячи Абдуқодир Ҳусанов ўз ўйинлари билан “Ланс”нинг узоқ йиллик ўйин схемаларини ўзгартирилишига сабабчи бўлди.
Лансликлар бир неча мавсумдан бери уч ҳимоячи билан ўйнаб келар эди. Ҳимоя марказидан Кевин Дансо, унинг икки ёнидан Факундо Медина ва Жонатан Градит жой оларди. Бу схема жамоа муваффақиятларини таъминлаб келган.
“Ланс” вице-чемпион даражасига кўтарилган ва чемпионатда мунтазам энг кам гол ўтказган жамоалардан бўлиб келган.
Бу клуб 2023 йилнинг ёзида Абдуқодир Ҳусановни Кевин Дансога ўринбосар сифатида олиб келди. Ўтган мавсумда легионеримизни айнан австриялик марказий ҳимоячи ўрнини босиш учун тайёрлашди. Аммо ёзда Дансонинг “Рома”га трансфери барбод бўлди. Кейин тажрибали ҳимоячи трансферга тўсқинлик қилган тиббий хулосаларни аниқлаштириш мақсадида бир неча ҳафта шифокорлар кўригида вақт ўтказди.
Мавсум бошидаги мана шу бир нечта ҳафта Абдуқодир Ҳусановга “Ланс”да ҳеч кимдан кам эмаслигини исботлаш учун кифоя қилди. Дансо сафга қайтганидан кейин бош мураббий Уилл Стилл бир биридан қолишмайдиган икки марказий ҳимоячи – Дансо ва Ҳусановга бир пайтда таркибдан жой топиб бериши ҳақиқий “бош оғриғи” бўлди.
Вазиятдан чиқиш мақсадида мураббийлар штаби уч ҳимоячи билан ўйналадиган тактикани ўзгартирди. Энди “Ланс” тўрт ҳимоячи билан ўйнашга ўтди. Дансо ва Ҳусанов марказда, Медина ва Градит икки ёнда ўйнаяпти. Айрим учрашувларда эски схема ҳам қўлланмоқда. Бу кўпроқ ҳимоячилардан бири сафдан чиққанда ишлаяпти. Бу вазиятда Ҳусанов ҳам марказда, ҳам иккала қанотда ўйнай олиши билан бошқалардан устунлигини кўрсатиб келмоқда.
- Абдуқодир Ҳусанов асосий таркибга кирганидан кейин тўрт ҳимоячили тизимга ўтганимиз орқа чизиқ вакилларига ҳам ҳужумларни қўллаб-қувватлаш имконини бера бошлади. Одатда, футболда ҳужум вақтида ҳимоя чизиғининг бўш қолиб кетиши ҳар қандай жамоанинг нозик нуқтаси бўлади. Биз янги тактик схема орқали тўпга эгалик қилиш, рақибга кўпроқ босим ўтказиш, ўйинни бошқаришга ҳаракат қиляпмиз. Ҳусановнинг тезлиги ва жисмоний имкониятлари ҳимоячиларимизнинг ҳам олдинга ўтишига имкон беряпти.
Икки марказий ҳимоячимиз бир бирини тўлдириб туради. Агар Кевин олдинга ўтса, Абдуқодир қайси ҳудудларни ёпиши кераклигини яхши билади. Ҳусанов ҳужумга қўшилганида Дансо шундай қилади. Бу икки футболчининг самарадорлигини била туриб уларни биргаликда ўйнатмаслик аҳмоқлик бўлар эди, - деди “Ланс” бош мураббийи Уилл Стилл.
“Ланс” футболчиси Анасс Зарури ҳам марказий ҳимоячилар дуэтининг жамоа ўйинига таъсири ва самараси ҳақида ўз фикр-мулоҳазаларини билдирди.
- Абдуқодир ва Кевин жуда кучли ҳимоя тандемини ташкил қилган. Дансонинг тажрибаси жуда катта. Абдуқодир эса, ҳаммасини “ёндиряпти”. Ҳусанов жуда бақувват ва кучли, биз буни яхши ҳис қиламиз ва учрашувларда ҳимоя чизиғидан хотиржаммиз. Бу ҳолат бор эътиборимизни ҳужум уюштириш ва гол уришга қаратишимизга асос бўлмоқда, - деди Анасс Зарури.
Эслатиб ўтамиз, Абдуқодир Ҳусанов ўзининг ўйин сифати, салоҳияти ва маҳорати билан “топ-5” лигаларида бир неча машҳур клубларнинг эътиборини қозонди. Transfermarkt портали 20 ёшли марказий ҳимоячимизни 12 миллион еврога баҳолади.
Айни пайтда Ҳусанов Марказий Осиёнинг энг қимматбаҳо ўйинчиси ҳисобланади. Унинг “Ланс” билан шартномаси 2027 йилнинг ёзигача тузилган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Наманганда халқаро кўргазма: қиймати хонадонга тенг отлар, 200 килоли қўйлар ва осмонга учирилган кабутарлар (фото, видео)
Хорижлик мутахассислар учун 2024 йилдаги энг яхши шаҳарлар рейтинги эълон қилинди
Абдуқодир Ҳусановнинг трансфер баҳоси Роналдуники билан тенглашди, навбат Мессига(ми?)
Туркия Суриянинг янги ҳукуматини ҳарбий соҳада қўллаб-қувватламоқчи
Путин Рамзан Қодировни яна орден билан мукофотлади
Жанубий Корея президентига импичмент эълон қилинди
Келгуси ҳафта боши учун об-ҳаво прогнози эълон қилинди
Москвага ўқишга бориб, урушда қатнашган талабага ҳукм ўқилди
