Германиялик мутахассис Юрген Клопп яқин келажакда мураббийлик фаолиятини қайта бошлаши мумкин. "TBR Football" нашрининг хабар беришича, 2024 йилда "Ливерпуль" бош мураббийлигидан кетган Клопп катта эҳтимол билан "Реал"ни бошқариши мумкин.
Клопп "Реал"да Анчелоттининг вориси бўладими?
Мадриднинг "Реал" клуби раҳбарияти Клоппни Карло Анчелоттининг энг муносиб вориси деб ҳисобламоқда. Мутаҳассис юлдуз ўйинчилар билан ишлаш ва ёшларни ривожлантириш борасида катта тажрибага эга. Шу сабабли, "қироллик клуби" Клоппни ўз сафида кўришга қизиқиш билдирмоқда.
Бразилия ёки АҚШ терма жамоалари варианти
"Реал"дан ташқари, Клоппнинг Бразилия ёки АҚШ терма жамоаларини бошқариши мумкинлиги ҳам айтилмоқда. Хусусан, Бразилия футбол федерацияси Клоппни жаҳон чемпионати-2026 учун жамоани қайта қуриш вазифасини бажариши мумкин бўлган мутахассис сифатида кўрмоқда. АҚШ эса уни терма жамоа учун идеал номзод деб ҳисобламоқда.
Клоппнинг ҳозирги фаолияти
Клопп 2015 йилдан 2024 йилгача "Ливерпуль"да фаолият юритиб, жамоани Европа ва Англия футболидаги энг кучли клублардан бирига айлантирган. У "Ливерпуль" билан Англия Премьер-лигаси, Чемпионлар лигаси, ФА Кубоги ва бир қатор бошқа нуфузли совринларни қўлга киритган. 2025 йил 1 январдан буён эса у "Red Bull" футбол тармоғининг глобал раҳбари лавозимида ишлаб келмоқда.
Клопп қарор қабул қилишга шошилмаяпти
Гарчи "Реал" ва бир қатор терма жамоалар Клоппни ўз сафларига жалб қилишни хоҳлаётган бўлса-да, мутахассис қарор қабул қилишга шошилмаяпти. У ҳозирда мураббийликдан қисқа муддатга танаффус олган ва бу даврда ўзини янги вазифаларда синаб кўришни мақсад қилган.
Шунинг учун Клоппнинг келажакдаги режалари ҳозирча номаълум бўлиб, унинг футбол оламига қайтишини мухлислар ва мутахассислар катта қизиқиш билан кузатишмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
