Голливуд юлдузи “Арсенал” футболчиси ҳақида ижтимоий тармоқларда пост қолдирди

Голливуд юлдузи Энн Хэтэуэй Лондоннинг “Арсенал” клубига бўлган муҳаббатини яна бир бор намоён қилди. Америкалик машҳур актриса Англия Премьер-лигасининг 30-тури доирасидаги “Арсенал” – “Фулхэм” (2:1) учрашувидан сўнг ижтимоий тармоқларда махсус пост қолдирди.

Букайо Саканинг ғалаба голи ва Хэтэуэйнинг пости

Учрашувда “Арсенал” жамоасига муҳим ғалабани жамоа юлдузларидан бири Букайо Сака келтирди. Англиялик ҳужумчи 2024 йил декабридан бери жароҳати туфайли майдонга тушмаган эди, аммо ушбу баҳсда қайдномага киритилди ва жамоаси учун ҳал қилувчи голни урди.

Саканинг майдонга қайтишидан ва унинг ғалаба голидан руҳланган Энн Хэтэуэй футболчига ижтимоий тармоқда шундай мурожаат қилди: “Қайтишинг билан, #7”

Актриса постига “Арсенал” жамоасининг машҳур шиори #COYG (Come on you Gunners – “Олға, тўпчилар”) хештегини ҳам қўшиб қўйди.

“Арсенал” клуби актрисага жавоб қайтарди

Актрисанинг ушбу қўллаб-қувватлови “Арсенал”нинг расмий аккаунти томонидан ҳам эътиборсиз қолдирилмади. Клуб унинг шарҳига изоҳ қолдириб, шундай ёзди: “Қўллаб-қувватлаганингиз учун раҳмат, Энн!”

Энн Хэтэуэй – “Арсенал”нинг ҳақиқий мухлиси

Маълумки, Энн Хэтэуэй Лондон клубининг ашаддий мухлисларидан бири ҳисобланади. У аввалроқ ҳам “Арсенал”га бўлган меҳрини бир неча бор очиқ билдирган. Голливуд юлдузи жамоанинг ўйинларини кузатиб боради ва унинг ютуқларига доимо хайрихоҳлик билдириб келади.

Бу воқеа яна бир бор “Арсенал”нинг жаҳон юлдузлари орасида ҳам катта мухлислар базасига эга эканини кўрсатди. “Замин” янгиликларини “Telegram”да кузатиб боринг