"Пахтакор" бош мураббийи жамоасининг бугунги ғалабаси ҳақида нималар деди?

"Пахтакор"нинг "Машъал"га қарши 5:0 ҳисобида якун топган учрашувидан сўнг "Шерлар" бош мураббийи Педру Морейра ўз фикрларини айтиб ўтди.

- Ҳаммага хайрли кеч. Охирги ҳафтадаги ўйинимиздан кейин бугунги учрашувимизни ҳаммангиз кўрдинглар. Биз ўйинга шунақа тайёргарлик кўргандик. Рақибга қийинчиликлар уйғотишга ҳаракат қилдик. Ўйинчиларимиз барчасини аъло даражада бажаришди. Тажовузкор ўйнашди. Тўпни тезкорлик билан олиб қўйиш ҳолатлари ҳам жуда кўп бўлди. Ҳужумда сифатли ҳаракатларни амалга оширдик. Бугунги ғалаба билан жамоамиздаги барчани табриклайман. Бу ғалаба кейинги учрашувларга ҳам яхши кайфият бағишлайди.

- Рақибни фонида мана шундай йирик ҳисоб қайд этилди, десак бўладими? Чунки олдингилари жиддийроқ эди. Бу сафар “Пахтакор” футболчиларини савияси ва даражалари баландроқ эди. Балки рақиб бошқа даражадаги жамоа бўлганида бундай ҳисоб қайд этилмасмиди?!

- Олдинги ўйинларга ҳам қайтадиган бўлсак, тўғри, яхши ўйнаганмиз. Фақат қарши ҳужумларда гол ўтказиб юборгандик. Олдинги беллашувда гол ҳам ургандик, аммо бекор қилишди. Ўтказиб юборган голимиз ҳам кичкина детал ҳисобига юз берган. Бугун ҳам шундай ўйнадик. Фақатгина кичик деталларда хато қилмасликка ва тўпни эгаллаб рақиб жарима майдони яқинида гол уришга ҳаракат қилдик. Ўйинчиларимиз бошидан охиригача вазифаларни яхши бажаришди. Мана, бизда жароҳат олган футболчилар бўлди. Ўзбекистонда эканлигимдан жуда хурсандман. Ўйинларни кўряпман, менга ниҳоятда ёқяпти.

Биз биринчи навбатда ўйинни кўра билишимиз керак. Агар аксинча бўлганида ҳам барибир шу гапни айтган бўлардим. Масалан, айрим ҳакамлар ўйин беради, айримлари эса ўйинни тўхтатиб қўйишлари мумкин. Лекин баъзида шуни ҳам ҳисобга олган ҳолда жойлашишимизни, ҳаракатимизни тезлаштиришимиз лозим. Вақт масаласида ҳам айтмоқчиманки, ўтган турдаги ўйинга нисбатан бугун фаол ўйин вақти кўп бўлди. Диёр Холматов ва Абдурауф Бўриевни маълум муддатга йўқотдик, десак ҳам бўлади.

- “Пахтакор” тотал устунликда ўйнади. Жамоа бўлажак ўйинларда яна қандай тактикаларда тўп суради?

- Биз ҳар доим бир хил ўйнаймиз. Бўш зоналарни қидиришга ҳаракат қиламиз. Рақиб ўйинидан келиб чиқилади ва шунга қараб ўзгартиришга ҳаракат қиламиз. Рақибни қандай ўйин кўрсатишини кўриб чиқамиз. Шундан келиб чиқиб, ўз ўйинимизни қуришга ҳаракат қиламиз. Бугун ўйинни тактик ҳолатларга алоқаси йўқ, футболчиларни ўзида хоҳиш кучли бўлганлиги, жамоани ичида бир-бирига ҳурмат юқорилиги учун фантастик ўйин кўрсатишди. “Замин” янгиликларини “Telegram”да кузатиб боринг