Кевин де Брюйненинг “Манчестер Сити” билан тузган шартномаси 30 июнь куни якунланади, деб Footmercato нашри хабар берди. Клуб раҳбарияти бельгиялик юлдуз билан шартномани узайтириш ниятида эмас.
Шу сабабли, 33 ёшли ҳужумкор ярим ҳимоячи ёзда янги жамоага ўтиши мумкин. Охирги маълумотларга кўра, у Саудия Арабистонининг иккинчи дивизионида иштирок этаётган “Неом” жамоаси билан музокаралар олиб боряпти.
Footmercato манбасига кўра, томонларнинг дастлабки учрашуви ижобий ўтган ва плеймейкернинг ушбу жамоага ўтиши жиддий муҳокамаларга сабаб бўлмоқда.
Англия чемпионатининг энг яхши ассистентларидан бири бўлган Кевин де Брюйне Бельгиянинг “Генк” жамоаси тарбияланувчисидир. У шунингдек, “Челси”, “Вердер” ва “Вольфсбург” клубларида ҳам тўп сурган.
“Манчестер Сити” Кевинни 2015 йили “Вольфсбург”дан 76 миллион евро (ҳозирги курс бўйича тахминан 9,3 трлн сўм) эвазига трансфер қилган. Бу трансфер ўзини тўлиқ оқлади — де Брюйне жамоанинг асосий ютуқларида муҳим роль ўйнади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
