“Бухоро” — “Бунёдкор” ва “Сурхон” — “Қўқон-1912” ўйинида урилган голлар (видео)

Ўзбекистон Суперлигаси доирасида "Бухоро" ҳамда "Бунёдкор" жамоалари ўзаро баҳс олиб борди. Мазкур ўйинда "қалдирғочлар" 2:0 ҳисобида зафар қучди.

Франке Икич 78-дақиқада автогол урган бўлса, 87-дақиқада Бобурбек Йўлдошев ҳисобдаги фарқни иккитага етказиб қўйди.

“Бухоро” — “Бунёдкор” 0:2
4 апрель 2024 йил. Тошкент, "Бунёдкор" стадиони. 18:00
Голлар: Фране Икич 78 автогол, - 0:1. Бобурбек Йўлдошев 87, - 0:2 (Марко Бугарин).

Футбол бўйича Ўзбекистон Суперлигасининг 4-туридан ўрин олган қолдирилган “Сурхон” — “Қўқон-1912” учрашуви 4 апрель, жума куни бўлиб ўтди.

Учрашувнинг 37-дақиқасига келиб Муҳаммадали Абдураҳмонов ҳисобни очди. Шундан сўнг қўқонликлар кўплаб ҳужумлар уюштира бошлади. Аммо биринчи бўлимда бошқа ҳисоб ўзгармади.

Иккинчи бўлим аввалида эса “Қўқон-1912” бир киши кам бўлиб қолди. Ҳусниддин Ғофуров қизил карточка олиб майдонни тарк этди. 74-дақиқада эса қўқонликлар ҳисобни тенглаштирди. Муҳаммаданас Ҳасановнинг голи орадаги мувозанатни тиклади.

Бироқ орадан 6 дақиқа ўтар-ўтмас айнан Ҳасанов қизил карточка олди ва майдондан четлатилди. 90+3 дақиқага келиб эса Диёр Рамазонов гол уриб, жамоасини ҳисобда олдинга олиб чиқди. 90+7-дақиқада эса Асадбек Каримов ҳисобни иккитага оширди.

“Сурхон” — “Қўқон-1912” 3:1
Голлар: 1:0 — 37, Муҳаммадали Абдураҳмонов, 1:1 — 74, Муҳаммаданас Ҳасанов, 2:1 — 90+3, Диёр Рамазонов, 3:1 — 90+7, Асадбек Каримов.
“Замин” янгиликларини “Telegram”да кузатиб боринг