Клаудио Раньери кечаги учрашувдан сўнг Шомуродов ҳақида фикр билдирди

Супер дерби — «Рома» ва «Лацио» ўртасидаги навбатдаги тўқнашув 1:1 ҳисобида якунланди. Ғалаба учун етарлича имкониятлар бўлди, бироқ ўйин асосан кескин руҳда ўтди. Учрашувдан сўнг «Рома» бош мураббийи Клаудио Раньери журналистлар саволларига жавоб берди ва ўзбек футболчиси Элдор Шомуродов ҳақида илиқ фикрлар билдирди.

«Учрашув менга ёқмади, ҳар доимгидек асабий дерби гувоҳи бўлдик», – деди Раньери.

Тажрибали мутахассис ўйиндаги индивидуал ҳаракатлар, хусусан Элдорнинг таъсирига алоҳида тўхталиб ўтди:

«Шомуродов майдонга тушганида ҳал қилувчи роль ўйнайди. Унинг ҳаракатлари орқали жамоа ўзини анча хавфсиз ҳис қилади. Довбик ҳам Элдор билан бирга майдонда бўлса, ўзини ёлғиз ҳис қилмайди. Бу жуда муҳим. Нима қилиш яхшироқ эканини эса мен ҳал қиламан», — деб қўшимча қилди устоз.

Шомуродовнинг таъсири сезиларли
Мухлислар учун қизиқ жиҳати — Элдор Шомуродов сўнгги баҳсларда ғалаба олиб келувчи ҳаракатлари билан ажралиб турибди. Гарчи у ҳар доим гол урмасин, майдондаги ҳаракатлари ва тактик тушунчаси орқали жамоа ҳужумига янгилик олиб кирмоқда. Раньерига кўра, Шомуродовнинг борлиги бошқа ҳужумчиларга ҳам психологик жиҳатдан орқа бўлмоқда.

Ёшларга намуна
Элдорнинг майдондаги фаоллиги нафақат клуб, балки мамлакатимиз ёш футболчилари учун ҳам катта илҳом манбаидир. Европа майдонларида ўз ўрнини топа олган футболчининг ҳар бир ҳаракати миллионлаб юртдошларимизнинг диққат марказида.

Элдор яна бир бор ишончни оқламоқда
Клаудио Раньерининг бу каби изҳорлари бир нарсани англатади: Элдор Шомуродов нафақат майдонда, балки жамоанинг ички муҳитида ҳам муҳим шахсга айланган. Унинг тайёргарлиги, ҳаракатлари ва жамоага бўлган садоқати «Рома» каби катта клубдаги ўрнини мустаҳкамламоқда. «Замин»ни Telegram’да ўқинг!