“Манчестер Юнайтед” 67 йилдан сўнг 5:4 ҳисобида ғалаба қилди

Европа Лигаси чорак финали жавоб учрашувида “Манчестер Юнайтед” “Лион” устидан 5:4 ҳисобида ғалаба қозонди, деб Euro-Football.ru сайти хабар берди.

“Олд Траффорд”да ўтган жанговор ўйинда “қизил иблислар” аввал 2:0 ҳисобида олдинга чиқди, аммо французлар ҳисобни тенглаштириб, учрашувни қўшимча вақтга олиб киришди. У ерда “Лион” яна икки марта тўп киритиб, 2:4 ҳисобида олдинга чиқди.

Бруну Фернандеш пенальтини аниқ амалга ошириб, ҳисобни 3:4 қилди. Охирги экстра-таймда Кобби Майну ва Гарри Магуайрнинг голлари “МЮ”га тарихи ғалабани олиб келди.

Opta маълумотига кўра, “Манчестер Юнайтед” клуби 5:4 ҳисобида охирги марта 1958 йил февралда “Арсенал”ни мағлуб этган.

Ярим финалда “Юнайтед” “Атлетик Бильбао”га қарши майдонга тушади. «Замин»ни Telegram’да ўқинг!