Месси: “Гвардиола футболни ўзгартирди… ва бироз зарар ҳам етказди”

“Интер Майами” ҳужумчиси ва футбол тарихи афсоналаридан бири Лионель Месси ўзининг собиқ мураббийи Хосеп Гвардиола ҳақида кутилмаган фикр билдирди.

“Гвардиола — бошқа дунё. У бошқалар кўрмайдиган нарсаларни кўради. У футболни ўзгартирди. Ҳамма биздан нусха олмоқчи бўлди”, — деди Месси.

Бироқ афсона бу ўзгаришларнинг оқибати ҳар доим ҳам ижобий бўлмаганини ҳам тан олди: “Одамлар буни қандай қилишни тушунмай туриб, ‘Барселона’га ўхшаб ўйнашга ҳаракат қилишди. Шу билан футболга беихтиёр зарар етказилди.”

Барсадаги “совунсиз уйғунлик”
Месси Гвардиола давридаги ярим ҳимоя учлиги — Хави, Иньеста ва Бускетсни “беназир жамоа” деб атади. Уларнинг ўзаро тушунуви, мураббий билан уйғунлиги ҳар қандай тактикани амалга ошириш имконини берган.

“Бу махсус жамоа эди. Мураббий ва футболчи бир-бирига жуда мос келган эди”, — деб таъкидлади у.

Гвардиоланинг “Барса”даги даври
2008–2012 йиллар орасида клубни бошқарган. Бу муддатда 14 та соврин ютилган:

- 2 та Чемпионлар лигаси;
- 3 та Ла Лига;
- 2 та Клублар ўртасидаги Жаҳон чемпионати ва бошқалар.

Сиз нима деб ўйлайсиз: Гвардиоланинг услуби футболни яхшироқ қилдими ёки уни тўлиқ тушунмаганлар уни ифлосладими? «Замин»ни Telegram’да ўқинг!