Сауль Альвареснинг ғалабасидан кейин рингда янги супер жанг эълон қилинди!

Саудия Арабистони пойтахти Ар-Риёд шаҳрида ташкил этилган профессионал бокс кечаси ўз якунига етди.

Кечанинг энг асосий ва қизиқарли баҳсида жаҳон бокси юлдузларидан бири ҳисобланган мексикалик Сауль «Канело» Альварес ҳамда кубалик иқтидорли боксчи Вильям Скулл ўзаро рингга кўтарилди. Ушбу учрашув тўлиқ 12 раунд давом этди ва натижада ҳакамларнинг бир овоздан чиқарган қарорига кўра Сауль Альварес ғолиб деб топилди.

Гарчи бу жанг мухлислар учун кутилгандек қизиқарли ва таъсирли ўтмаган бўлса-да, учрашувдан кейинги воқеаларнинг ўзи кечани янада қизитиб юборди.

Янги жанг учун махсус анонс қилиш мақсадида рингга америкалик машҳур чемпион Теренс Кроуфорд чиқиб, Альварес билан дастлабки кўзқарашлар тўқнашувини амалга оширди.

Маълумотларга кўра, бу икки буюк боксчи ўртасидаги жанг 12 сентябрь куни АҚШнинг Лас-Вегас шаҳрида супер ўрта вазн тоифасида ўтказилади.

Бокс оламидаги кўплаб мутахассислар бу жангни йилнинг энг муҳим ва қизиқарли воқеаси сифатида баҳолашмоқда. Альварес ва Кроуфорд ўртасидаги учрашув спорт мухлислари томонидан катта қизиқиш билан кутиб қолинмоқда. «Замин»ни Telegram’да ўқинг!