ПСЖ – “Арсенал”: финал учун ҳал қилувчи баҳсда ким устун келади? Экспертларнинг тахминий ҳисоблари

Бугун, 7 май куни футбол оламидаги энг нуфузли мусобақалардан бири — УЕФА Чемпионлар Лигасининг ярим финал босқичида “ПСЖ” ҳамда “Арсенал” жамоалари ўзаро муҳим жавоб учрашувида тўқнаш келади. Париждаги “Парк де Пренс” стадионида бўлиб ўтадиган бу баҳс финал учун курашда ҳал қилувчи аҳамиятга эга.

Катта қизиқишга сабаб бўлаётган ушбу ўйин арафасида дунёнинг бир қанча нуфузли спорт нашрлари ўз прогнози ва натижа тахминларини эълон қилди. Уларнинг фикрлари ўзаро фарқ қилса-да, умумий хулоса шундан иборатки — кеча шиддатли ва драматик тус олиши кутилмоқда.

"SportMole" тахмини:
Лондонликлар қаттиқ қаршилик кўрсатиши мумкин, аммо парижликлар уй майдонида устун келади. Нашрнинг тахминига кўра, учрашув 2:1 ҳисобида “ПСЖ” фойдасига якунланиши мумкин.

"Sportingnews" таҳлили:
Бу нашр “ПСЖ”нинг кучли таркиби, хусусан, Мбаппе ва Дембеле каби ҳужумчиларнинг самарадорлигига ишониб, 3:1 ҳисобидаги йирик ғалабани тахмин қилди. Уларга кўра, “Арсенал” иккинчи бўлимда ҳаракатни фаоллаштирса-да, кеч қолиши мумкин.

"Sportskeeda" башорати:
Улар ҳам “ПСЖ”ни асосий фаворит сифатида кўрмоқда. Таҳлилчиларнинг айтишича, “Арсенал” жамоавий ўйинда яхши, аммо Париж клубининг индивидуал маҳоратли юлдузлари уларнинг қаршилигини енгиб ўтади. Улар ҳам 2:1 ҳисобини кутмоқда.

Баҳсдан нималар кутилади?

Илк учрашувда 1:0 ҳисобида ПСЖ нинг ғалабаси қайд этилганди. Шу сабаб, жавоб баҳси жуда шиддатли кечиши кутилмоқда. Бу эса беллашувда ҳар бир вазият ҳал қилувчи аҳамият касб этишини англатади.

“ПСЖ” учун бу ўйин катта аҳамиятга эга — жамоа ўз тарихидаги илк Чемпионлар Лигаси ғалабаси учун яна бир бор ҳаракат қилмоқда. “Арсенал” эса 2006 йилдаги финалдаги мағлубиятдан кейин яна финалга йўл олиш орзусида.

Қисқаси, Европа футболи мухлислари бу кеча чин маънода футбол байрамига гувоҳ бўлишади. Унда ким зафар қучади — Парижнинг юлдузлар тўла армиясими ёки Лондоннинг ёш ва интилувчан таркибими? Жавобни бир неча соатдан сўнг билиб оламиз. «Замин»ни Telegram’да ўқинг!