Футбол оламида янгидан шов-шувли хабар тарқалди — "Реал" жамоасининг собиқ юлдузи Гарет Бэйл Англиядаги "Плимут Аргайл" клуби акцияларини сотиб олиши мумкин. The Telegraph нашри тарқатган маълумотга кўра, уэлслик футболчи Америка инвестиция компанияси билан ҳамкорликда ушбу шартномага қўшилиш арафасида турибди.
Маълумотларга кўра, Бэйлнинг бу клуб билан илгари ҳеч қандай алоқаси бўлмаган. Аммо у потенциал равишда "Плимут"нинг янги мулкдорлари таркибига кириши мумкин ва келгусида бошқарувчи компаниянинг "юзи" сифатида ҳам фаолият юритиши эҳтимоли бор.
Футболдан кетгач, профессионал гольф билан шуғулланаётган Гарет Бэйлнинг клуб бошқарувига қизиқиш билдириши спортчиларнинг бизнесга юз тутаётгани билан изоҳланмоқда. Мухлислар орасида бу қадам Бэйлнинг футболга янгича тарзда қайтиши сифатида баҳоланмоқда.
"Агар шартнома амалга ошса, Плимут нафақат янги сармоядор, балки бутун дунёда танилган машҳур спортчига ҳам эга бўлади", — дейилади манбаларда.
Айни дамда музокаралар давом этмоқда ва яқин кунларда расмий баёнот берилши кутилмоқда. Гарет Бэйлнинг бу лойиҳадаги иштироки нафақат "Плимут", балки бутун англиялик футбол мухлислари учун ҳам қизиқ тажриба бўлиши мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
