Европа футбол бозорида янги интрига пайдо бўлди, деб хабар берди thesun.co.uk. “Манчестер Сити”нинг тажрибали вингери Жек Грилиш яқин орада жамоани тарк этиши мумкин. Манбаларга кўра, 29 ёшли англиялик футболчини “Тоттенхэм”, “Ньюкасл” ва Италиянинг “Наполи” клублари ўз сафида кўришни истамоқда.
“Сити” раҳбарияти футболчини 46 миллион евро эвазига қўйиб юборишга тайёр экани ҳақида хабарлар тарқалди. Жек Грилиш 2024/25 йилги мавсумда “шаҳарликлар” сафида 32 учрашувда майдонга тушди, 3 та гол урди ва 5 та голли узатма амалга оширди. Унинг клуб билан амалдаги шартномаси 2027 йилнинг 30 июнига қадар мўлжалланган.
Transfermarkt портали маълумотларига кўра, ҳозирда футболчининг нархи 28 миллион евро бўлиб, бу трансфер бозоридаги эҳтимолий битимлар учун янги муҳокамалар ва рақобатларга замин яратади.
Экспертлар фикрича, Грилишнинг универсаллиги ва катта тажрибаси ҳар қандай жамоанинг ҳужум салоҳиятини кучайтириши мумкин. Футбол жамоатчилиги эса, унинг қаерда фаолиятини давом эттиришини қизиқиш билан кузатмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
