Майкл Баффер саҳнада: Ярим финал ва финалда футболчиларни ўзи эълон қилади

Клублар ўртасидаги Жаҳон чемпионати яна бир сюрпризга бой бўлди, деб хабар берди dailymail.co.uk. Жаҳон боксининг афсонаси, жаҳон ареналаридаги машҳур ринг-анонсер Майкл Баффер бу йилги мундиалда янги роли билан иштирок этади. Киран Гилнинг маълум қилишича, ярим финал ва финалда майдонга тушадиган футболчиларни айнан Баффернинг ўзи эълон қилади.

Баффернинг “Let’s get ready to rumble!” деб бошланадиган анъанавий чиқиши футбол мухлислари учун янги эмоциялар улашиши, турнир муҳитини бутунлай ўзгартираши мумкин. Бу қарор мундиалга нафақат спорт, балки шоу-бизнес кайфияти ҳам қўшиш мақсадида қабул қилингани айтилмоқда.

Бугунги биринчи ярим финалда Лондоннинг “Челси” ва Бразилиянинг “Флуминенсе” клублари тўқнашса, эртага эса ПСЖ ва “Реал” майдонга чиқади. Мусобақа финали эса 13 июль куни бўлиб ўтади. Баффер ҳар икки ярим финал ва финал учрашувида иштирок этиб, жамоаларни стадионга олиб чиқади.

Мутахассислар ва футбол жамоатчилиги Майкл Баффернинг саҳнадаги иштироки мундиалга янги руҳ ва кутилмаган шовқин қўшишини таъкидламоқда. Мухлислар эса, машҳур анонсернинг жонли чиқишини ва футболчиларнинг ўзига хос тақдимотини катта қизиқиш билан кутмоқда.

Zamin.uz эса, чемпионатдаги энг сўнгги янгиликлар, юлдузлар ва шоу-маросимлар ҳақида ўз ўқувчиларини тезкор ва ишончли маълумотлар билан таъминлашда давом этади. «Замин»ни Telegram’да ўқинг!