Машҳур мексикалик бокс афсонаси Сауль "Канело" Альварес украиналик Александр Усикнинг навбатдаги жангда ғалаба қозонишига тўлиқ ишонч билдириб, катта маблағ тикишга қарор қилди.
Унинг айтишича, 19 июль куни Лондондаги тарихий "Уэмбли" стадионида бўлиб ўтадиган Усик — Дюбуа реванш жангида украиналик чемпионнинг зафар қучиши учун у ярим миллион доллар, яъни 500 000 доллар пул тикиб, катта таваккалчиликка қўл урган.
«Сўнгги беш йил ичида Усик жаҳоннинг энг кучли рақибларини мағлуб этди. У — жисмонан бақувват, техник жиҳатдан пишиқ ва рингда ақлини ишлата оладиган зўр спортчи. Мен унга тўлиқ ишонаман. Шу боис бу пулни тикишдан ҳеч қўрқмадим. Александр, ким эканлигингни унутма!» — дея фикр билдирди Канело ўзининг ижтимоий тармоқдаги саҳифасида.
Эслатиб ўтамиз, ушбу жанг мутлақ жаҳон чемпионлиги камари учун бўлиб ўтади. Усик учун бу нафақат чемпионликни сақлаб қолиш, балки яна бир бор ўз салоҳиятини намойиш қилиш имкониятидир. Канело каби тажрибали боксчи ҳам Усикка ишонса, демак, бу жанг бокс оламидаги энг кутилган тўқнашувлардан бирига айланиши шубҳасиз. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
