"Манчестер Сити"нинг ишончли ҳимоячиси Мануэль Аканжи яқин орада Италияда фаолиятини давом эттириши мумкин. Швейцариялик футболчи билан "Милан" клуби жиддий тарзда музокара олиб бормоқда ва жараён сўнгги босқичга киргани айтилмоқда.
Маълумотларга кўра, "Милан" 28 ёшли ҳимоячи учун 15 миллион фунт миқдорида тўлов амалга оширишга тайёр. Бу қарор клубнинг ҳимоя чизиғини кучайтиришга қаратилган муҳим қадам сифатида баҳоланмоқда.
Аввалроқ Аканжига Туркиянинг "Галатасарой" клуби ҳам қизиқиш билдирганди. Бироқ футболчи ўз келажагини Туркияда эмас, Европанинг етакчи чемпионатларидан бирида давом эттиришни маъқул кўрди.
Эслатиб ўтамиз, Мануэль Аканжи 2022 йилдан буён "Манчестер Сити" сафида тўп суриб келмоқда. Унинг амалдаги шартномаси 2027 йилнинг ёзигача давом этади. "Transfermarkt" портали ҳимоячининг нархини 28 миллион еврога баҳолаган.
Ўтган мавсумда Аканжи Англия Премьер-лигасида 26 та учрашувда майдонга тушиб, жамоасининг муваффақиятли ўйинига салмоқли ҳисса қўшган.
Муттахассислар фикрича, агар трансфер амалга ошса, "Милан" ҳимоя чизиғида жиддий кучайишга эришади. Мухлислар эса швейцариялик футболчининг Италияда қандай ўйнашини катта қизиқиш билан кутмоқда.
«Замин»ни Telegram’да ўқинг!
