Ўзбекистон U-23 Фаластинга қарши ҳал қилувчи баҳсга тайёр

Бугун Қирғиз Республикасида бўлиб ўтаётган Осиё кубоги U-23 саралаш мусобақасининг "E" гуруҳи сўнгги тур учрашувлари ўтказилади.

Ўзбекистон U-23 терма жамоаси бугун муҳим аҳамиятга эга сўнгги баҳсда Фаластин ёшларига қарши куч синашади. Мазкур тўқнашув Тошкент вақти билан соат 15:00 да старт олади.

Шу билан бирга, гуруҳнинг яна бир беллашувида мезбон Қирғизистон майдон эгалари сифатида Шри-Ланка жамоасини қабул қилади. Бу ўйин эса соат 19:00 да бошланиши белгиланган.

Ҳозирги вақтдаги турнир жадвалига кўра, Ўзбекистон ва Қирғиз Республикаси 4 очкодан тўплаб етакчилик қилиб турибди. Фаластин 3 очко билан учинчи ўринда, Шри-Ланка эса очкосиз охирги поғонада қайд этилган.

Шу тариқа, бугунги баҳслар гуруҳдаги тақдирни ҳал қилади ва қайси жамоалар кейинги босқичга йўл олишини аниқлаб беради.