Ўзбекистон U-23 Фаластинга қарши ҳал қилувчи баҳсга тайёр
Ўзбекистон У-23 терма жамоаси Осиё кубоги У-23 саралашининг “Э” гуруҳи сўнгги турида Фаластин ёшларига қарши майдонга тушади. Тошкент вақти билан соат 15:00 да бошланадиган баҳс Қирғиз Республикасида ўтказилмоқда. Гуруҳда Ўзбекистон ва Қирғиз Республикаси 4 очкодан, Фаластин 3 очко билан бормоқда, Шри-Ланка эса очкосиз. Бугунги учрашувлар кейинги босқичга чиқадиган жамоаларни аниқлайди.
Бугун Қирғиз Республикасида бўлиб ўтаётган Осиё кубоги U-23 саралаш мусобақасининг "E" гуруҳи сўнгги тур учрашувлари ўтказилади.
Ўзбекистон U-23 терма жамоаси бугун муҳим аҳамиятга эга сўнгги баҳсда Фаластин ёшларига қарши куч синашади. Мазкур тўқнашув Тошкент вақти билан соат 15:00 да старт олади.
Шу билан бирга, гуруҳнинг яна бир беллашувида мезбон Қирғизистон майдон эгалари сифатида Шри-Ланка жамоасини қабул қилади. Бу ўйин эса соат 19:00 да бошланиши белгиланган.
Ҳозирги вақтдаги турнир жадвалига кўра, Ўзбекистон ва Қирғиз Республикаси 4 очкодан тўплаб етакчилик қилиб турибди. Фаластин 3 очко билан учинчи ўринда, Шри-Ланка эса очкосиз охирги поғонада қайд этилган.
Шу тариқа, бугунги баҳслар гуруҳдаги тақдирни ҳал қилади ва қайси жамоалар кейинги босқичга йўл олишини аниқлаб беради.
Изоҳлар 0
…