Холанд АПЛдаги энг суст стартни қайд этди

"Манчестер Сити" форварди Эрлинг Холанд ҳақида қизиқарли маълумот эълон қилинди.

25 ёшли норвегиялик ҳужумчи жорий мавсум Англия премьер-лигасининг дастлабки 4 ўйинида 5 та гол урди. Бу натижа унинг АПЛдаги энг ёмон бошланиши ҳисобланмоқда.

Аввалги мавсумларда Эрлинг юқори кўрсаткичларга эришган — 2022/23 ва 2023/24 йилги чемпионатларда илк 4 турда 6 тадан гол киритган, 2024/25 мавсумда эса шу даврда 9 марта рақиб дарвозасини ишғол этган эди.

"Шаҳарликлар"нинг кейинги учрашуви 21 сентябрь куни "Арсенал"га қарши бўлиб ўтади. Беллашув Тошкент вақти билан соат 20:30 да бошланади.