Ҳимоя чизиғидаги ёш истеъдод Нико О’Райли “Манчестер Сити” билан узоқ вақт давомида қолиши аниқ бўлди. Клуб раҳбарияти ва футболчи ўртасида расман 2030 йил ёзигача амал қиладиган янги шартнома имзоланди. Бу келишув жамоанинг ёш авлодга бўлган ишончи ва келажакка қаратилган узоқни кўзлаган режаларидан дарак бермоқда.
20 ёшли О’Райли жорий мавсумда “шаҳарликлар” сафида 4 та расмий баҳсда иштирок этди. Ундан аввалги мавсумда эса жамоа либосида 9 марта майдонга тушиб, 2 та муҳим гол муаллифига айланганди. Бу кўрсаткичлар унинг ҳимоячи бўлишига қарамай ҳужумга қўшилиб кетиш қобилияти юқори эканини кўрсатади.
“Сити”нинг узоқ муддатли режаларида Нико каби футболчиларга катта эътибор қаратилмоқда. Хусусан, Хосеп Гвардиола ёш ҳимоячига ишонч билдириб, унинг салоҳияти жамоа учун келгуси йилларда муҳим омил бўлиши мумкинлигини таъкидлаб келмоқда.
Мухлислар ҳам бу янгиликни ижобий кутиб олиб, ижтимоий тармоқларда О’Райлининг келажакда жамоа етакчиларидан бирига айланиши мумкинлигини қайд этишмоқда.
«Замин»ни Telegram’да ўқинг!
