Ёзги трансфер ойнасида Саудиянинг "Aл-Ҳилол" клуби “Бавария” ҳужумчиси Харри Кейнни қўлга киритиш йўлида жиддий ҳаракат бошлади. Bild’нинг ёзишича, унга уч йиллик шартнома ва йилига 100 миллион евро атрофида маош таклиф қилинмоқда.
Манбага кўра, мюнхенликлар билан битимни ёпиш учун "Aл-Ҳилол" 60 миллион евро тўлашга тайёр. Бу сумма Кейннинг амалдаги шартномасида товон пули сифатида қайд этилгани айтилади, яъни келишув ёзда ишга тушиши мумкин бўлади.
“Бавария” сафида 2023 йилдан буён ўйнаб келаётган 32 ёшли снайпер статистикаси билан ҳалигача ҳайратлантиряпти: 106 учрашувда 103 та гол ва 29 ассист. Шу унумдорлик туфайли у ҳар қандай жамоа учун “бир зарба – бир қарор” футболчисига айланган.
"Aл-Ҳилол" охирги мавсумларда юлдузлар йиғиш стратегиясини давом эттирмоқда. Харри Кейн трансфери рўёбга чиқса, жамоа ҳужуми янги босқичга кўтарилиши, клубнинг халқаро нуфузини янада ошириши табиий.
Шу билан бирга, мюнхенликлар раҳбарияти позицияси ҳал қилувчи бўлади: Кейнни қўйиб юбормаслик ёки товон пули ишга тушганда битимга йўл очиш. Ёзги ойлар катта интригага айланиши, мухлислар эса ҳар икки томон қарорини қизиқиш билан кутмоқда.
“Zamin”ни Telegram'да ўқинг!
