“Барселона”нинг ёш ва умидли ҳимоячиси Пау Кубарси Испания футболидаги энг қизиқарли саволлардан бирига жавоб берди — у “Реал”нинг қайси юлдузига қарши ўйнаш қийинлигини айтди.
Унга Мбаппе ва Беллингем каби икки топ ҳужумчи орасида қай бири кўпроқ қийинчилик туғдираётгани ҳақида савол берилди.
– Ҳар иккисига қарши ўйнаш осон эмас. Мбаппе жуда тезкор, майдон бўйлаб ҳаракатда ва доим ҳужумда хавф туғдиради. Беллингем эса, аксинча, кутилмаган ҳолда, орқадан ёки марказдан ҳужумга қўшилади. Мен учун Мбаппе тезлиги ва реакцияси билан хавфлироқ. У тўпни қабул қилган заҳоти гол уриш имкониятига эга, – деди Пау Кубарси.
Ёш ҳимоячи шу орқали эътироф этдики, Мбаппе билан тўқнаш келган ҳар бир дақиқа катта синовдир. Беллингем эса позициявий ўйини билан унинг диққатини талаб қилади.
Футбол мухлислари эса энди “Эл-Класико”да бу икки юлдуз ва Кубарсининг тўқнашувини интиқлик билан кутмоқда.
Маълумот учун, янги мавсумдаги илк “Барселона” – “Реал” учрашуви 26 октябрь куни Мадриддаги “Сантьяго Бернабеу” стадионида бўлиб ўтади. Бу баҳс Ла Лиганинг 10-турига тўғри келади ва чемпионлик пойгасида муҳим аҳамият касб этади.
“Zamin”ни Telegram'да ўқинг!
