"Барселона" бош мураббийи Ханс-Дитер Флик жамоасининг ҳозирги ҳолати ҳақида фикр билдирди. У "Жирона" устидан қўзонилган ғалабадан мамнунлигини айтди.
Фликнинг сўзларига кўра, бу уч очко жамоа учун айни пайтда жуда муҳим бўлди. Бу ҳақда Euro-football.ru хабар берди.
Флик жамоада мураккаб вазият юзага келганини тан олди. У "Жирона"га қарши ўйинда йигитлар майдонда бор кучи билан ҳаракат қилганини таъкидлади.
Мураббий ғалаба жамоа машғулотларида ҳам ижобий муҳит яратганини айтди. Унинг сўзларига кўра, ёш футболчилардан тузилган жамоага шундай энергия етишмаётган эди.
Флик ўйин таҳлили жараёнида футболчиларнинг тўғри жойлашуви ва рақибга нисбатан масофани сақлаш муҳимлигини эслатди. У нотўғри позицияда ҳаракат қилиш футболчиларга ортиқча югуришга мажбур қилишини таъкидлади.
Флик майдондаги жойлашув устида ишлаш зарурлигини, шунда прессинг самарали бўлишини айтди. Маълумот учун, 21 октябр, сешанба куни "Барселона" Чемпионлар Лигаси доирасида "Олимпиакос"ни қабул қилади.
Жамоа ушбу учрашувга пухта тайёргарлик кўрмоқда. Фликнинг фикрича, навбатдаги ўйин ҳам жамоа учун муҳим синов бўлади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
