"Реал" бош мураббийи Хаби Алонсо Чемпионлар лигасининг учинчи турида "Ювентус"га қарши ўйин олдидан фикр билдирди. У жамоасини осон ўйин кутмаётганини таъкидлади.
Euro-football.ru ёзишича, Алонсо "Ювентус" ҳар қандай ҳолатда ҳам хавфли рақиб бўлиши мумкинлигини айтди. Алонсонинг сўзларига кўра, ҳар қандай италиялик жамоа, ҳатто яхши спорт формасида бўлмаса ҳам, кучли ўйин кўрсата олади.
У "Милан"га қарши ўтган йилги учрашувни эслади ва тарихни унутмаслик кераклигини таъкидлади. Алонсо "Ювентус" ҳали ҳам йирик клуб эканини, таркибида кучли футболчилар, жумладан, Йилдиз каби иқтидорли футболчи борлигини қайд этди.
Алонсо "Ювентус" тактик жиҳатдан бой жамоа эканини айтди. Улар ўйин давомида тез-тез позицияни ўзгартиради ва рақибга қийинчилик туғдира олади.
"Реал" ҳар бир жиҳатда эҳтиёткор бўлиши ва ўз ўйинини намоён қилиши зарурлигини билдирди. "Реал" ва "Ювентус" ўртасидаги учрашув чоршанба, 22 октябрь куни бўлиб ўтади.
Ўтган йилнинг кузида "Реал" ўз майдонида "Милан"га мағлуб бўлган эди.
