Лондоннинг “Арсенал” клуби 2025 йил 21 октябрь куни Чемпионлар лигаси учрашувида Мадриднинг “Атлетико” жамоасини 4:0 ҳисобида мағлуб этди. Барча голлар ўйин иккинчи бўлимида, 57-дақиқадан 70-дақиқагача бўлган оралиқда урилди.
Дастлаб Габриэл дос Сантос ва Габриэл Мартинелли ҳисобни очди. Кейинчалик Виктор Гёкереш рақиб дарвозасига икки бор тўп киритди. Ушбу натижа орқали “Арсенал” Чемпионлар лигаси тарихида Испания клубларини кетма-кет етти ўйинда мағлуб этган илк жамоага айланди.
Микел Артета бошчилигидаги жамоа бунгача Мадриднинг “Реал” ва “Севиля” клубларини икки мартадан, шунингдек, “Жирона” ва “Атлетик”ни ҳам енгган. Жорий мавсум гуруҳ босқичининг дастлабки уч учрашувида “канонирлар” тўққиз очко тўплади.
“Арсенал” Чемпионлар лигасидаги иштирокини муваффақиятли давом эттирмоқда. Клуб навбатдаги ўйинларда ҳам юқори натижа кўрсатишни мақсад қилган.
