Испания Ла Лигаси октябрь ойининг энг яхши футболчиси мукофоти учун номзодлар рўйхатини эълон қилди. Рўйхатда беш нафар футболчи бор: Килиан Мбаппе (“Реал”), Педри (“Барселона”), Ян Облак (“Атлетико”), Антони (“Бетис”) ва Хорхе де Фрутос (“Райо Валекано”).
Айни вақтда Испания чемпионатида “Реал” жамоаси 24 очко билан пешқадамлик қилмоқда. “Барселона” эса 22 очко билан иккинчи ўринда бормоқда. Жорий мавсумда “Реал” ва “Барселона” энг юқори ўринлар учун курашни давом эттирмоқда.
26 октябрь, якшанба куни, Ла Лиганинг икки етакчи клуби ўзаро баҳс олиб боради. “Эл Класико” учрашуви Мадриддаги “Сантяго Бернабеу” стадионида бўлиб ўтади.
Учрашув Тошкент вақти билан соат 20:15 да бошланади. Ла Лига доирасидаги “Эл Класико” ҳар мавсум футбол мухлисларининг эътиборини тортади.
Бу учрашув натижаси чемпионат жадвалига ҳам сезиларли таъсир кўрсатиши мумкин.
Меҳмон гуруҳидаги фойдаланувчилар ушбу мақолага изоҳ қолдира олмайди.
