Якшанба куни Ла Лигада мавсумнинг биринчи ярмидаги энг муҳим ўйинлардан бири бўлиб ўтди: Мадриднинг "Реал" клуби "Барселона"ни қабул қилди. Хаби Алонсо бошчилигидаги жамоа ушбу баҳсда 2:1 ҳисобида ғалаба қозонди.
Беллашув қаҳрамонларидан бири Килиан Мбаппе бўлди, у яна бир бор дарвоза тўрини ишғол этди. Франциялик футболчи WhoScored рейтингига кўра, 8,19 балл билан чемпионатнинг энг яхши футболчиси бўлиб турибди.
Иккинчи ўринда Ламин Ямал (7,92), учинчи ўринда эса Винисиус Жуниор (7,63) жойлашган. Кучли бешликни "Барселона" вакиллари Рафинья Диас (7,42) ва Фермин Лопес (7,31) якунлаб беради.
Бошқа жамоалар ичида энг юқори баллни "Мальорка"дан Пабло Маффео (7,29) қайд этган. Шунингдек, Килиан Мбаппе чемпионат тўпурарлари рўйхатида ҳам етакчилик қилмоқда – у 10 ўйинда 11 та гол уришга муваффақ бўлган.
