Франция чемпионатининг тўққизинчи турида «Монако» ўз майдонида турнир жадвалидаги қўшниси «Тулуза»ни қабул қилди. Учрашувнинг учинчи дақиқасида Кассум Уаттара чап қанотдан жарима майдонига узатма берди.
Муҳаммад Салису тўпни бош билан дарвозага йўллаб ҳисобни очди – 1:0. Такуми Минамино чап қанотдан Ансу Фатини дарвоза олдига олиб чиқди, бироқ дарвозабон унинг ҳаракатини тўхтата олди.
Уаттара яна чап қанотдан Фоларин Балогунга аниқ узатма берди, аммо Балогуннинг яқин масофадан тепган зарбасини дарвозабон қайтарди, Минамино эса қайта зарба билан тўпни ён устунга йўналтирди. Иккинчи бўлимда Дейанн Металь чап қанотдан Эмерсонга узатма берди, аммо унинг бош билан йўллаган зарбаси дарвоза устуни ёнидан ўтиб кетди.
Жорж Иленикена ўнг қанотдан Крепен Дьяттага узатма берди, унинг марказга чизиб юборган тўпини Пап Кабрал тўхтатиб зарба берди, лекин дарвозабон зарбани қайтаришга муваффақ бўлди, Уаттара эса қайта зарбада тўпни ўнг устунга урди. Александр Головин майдонда 75 дақиқа ўйнади.
Ушбу ғалабадан сўнг «Монако» 17 очко билан турнир жадвалида учинчи ўринга кўтарилди, «Тулуза» эса 13 очко билан еттинчи ўринда қолди.
