Туриннинг "Ювентус" жамоаси ҳужумчиси Кенан Йилдиз "Удинезе"га қарши сўнгги ўйинда эришилган ғалабани изоҳлади. Италия А Сериясининг тўққизинчи тур учрашуви 3:1 ҳисобида якунланди.
Мазкур ғалаба "Ювентус"га саккизта ўйиндан иборат ғалабасиз серияни тўхтатиш имконини берди.
"Биз жуда оғир даврни бошдан кечирмоқдамиз. Ҳозир биз ўйиндан ўйинга ҳаракат қилишимиз керак. Бугунги натижадан мамнунмиз.
Лекин энди олдинга қарашимиз керак, чунки ҳали кўплаб ўйинлар олдимизда турибди", — дейди футболчи, дея унинг сўзларини Николо Скира келтиради. Тўққиз тур якунларига кўра, "Ювентус" Италия чемпионати турнир жадвалида 15 очко тўплаб, еттинчи ўринни эгаллаб турибди.
Кейинги турда жамоа сафарда "Кремонезе"га қарши майдонга тушади. Мазкур учрашув 1 ноябр, шанба куни бўлиб ўтади.
