“Реал” бош мураббийи Хаби Алонсо Испания Ла Лигасининг навбатдаги тури доирасида “Валенсия”га қарши ўйин олдидан ўз фикрлари билан ўртоқлашди. “Эҳтимол, таркибда ротация бўлади, лекин бу Чемпионлар Лигаси ҳақида эмас, балки “Валенсия”га қарши ўйинга тайёргарликдан келиб чиқиб амалга оширилади.
Чемпионлар Лигасида очколар йўқотиб, уларни қайта тиклаш мумкин, лекин Ла Лигада бундай имконият йўқ – бу ҳақиқий марафон. Ҳозирда яхши суръатдамиз ва уни пасайтиришни хоҳламаймиз.
Мен “Валенсия” ва “Райо Валекано”га қарши ўйинларни ўйлаяпман. Ушбу босқични муваффақиятли якунлашни истаймиз.
Ўтган мавсумда “Валенсия” “Сантьяго Бернабеу”да ғалаба қозонган эди. Биз бўшашмаслигимиз ва рақибни ҳурмат қилишимиз керак.
Корберан ўз жамоаларини жуда яхши тайёрлайдиган мураббий. “Валенсия” сифатли футболчиларга эга ва бу ўйин биздан максимал эътибор талаб қилади.
Катта ғалабадан сўнг суръатни йўқотиш жуда осон. Бундай ҳолат юз бермаслигини истаймиз”, – деди Алонсо матбуот анжуманида.
“Реал” – “Валенсия” ўйини Москва вақти билан 1-ноябр куни 23:00 да бошланади.
