Интер ва Наполи клублари Каляри сафида тўп сураётган 20 ёшли ҳимоячи Риёд Идриссининг трансферига қизиқиш билдирмоқда. Бу ҳақда Football Italia хабар берди.
Идрисси ўтган мавсумда Италия Б Сериясида Модена жамоасида ижарада ўйнаб, ўзини яхши томондан кўрсатди. Жорий мавсумда у Италия чемпионатида 5 ўйин ўтказиб, 1 та гол урди.
Бундан ташқари, Италия Кубогида 2 ўйинда иштирок этиб, 1 та голли узатма амалга оширди. Каляри спорт директори Томмазо Жулини ёш истеъдоддан воз кечишни истамаяпти.
Торино, Удинезе ва Женоа клубларининг таклифлари аллақачон рад этилган. Transfermarkt портали маълумотларига кўра, футболчининг нархи атиги 1,5 миллион евро сифатида баҳоланган, аммо Каляри бу суммадан кўпроқ қиймат талаб қилиши аниқ.
Миллий терма жамоа даражасида Идрисси Италия ёшлар терма жамоаси сафида ўйнаган.
