Милан бош мураббийи Массимилиано Аллегри А Серия доирасидаги "Рома"га қарши ўйиндан кейин ўз фикрларини билдирди. Мазкур учрашувда "Милан" 1:0 ҳисобида ғалаба қозонди.
Учрашувнинг ягона голини 39-дақиқада Страхинья Павлович киритди. Аллегри ўйин ҳақида қуйидагича фикр билдирди: "Дастлабки 35 дақиқада "Рома" ҳисобда олдинга чиқишга лойиқ эди – бунга шубҳа йўқ.
Биз деярли ҳамма нарсани нотўғри қилдик. Муаммо "Рома"нинг жуда юқори босимида эди – биз бунга қарши кураша олмадик.
Гол урилганидан кейин ўйнаш бироз осонлашди. Иккинчи бўлимда жамоамиз тўғри кайфиятда майдонга чиқди ва устунликни ошириш имкониятига эга бўлди." "Милан" бу ғалабадан сўнг очколар борасида "Рома" ва "Интер" билан тенглашиб олди – уларнинг ҳисобида 21 очко мавжуд.
Турнир жадвалида эса биринчи ўринни 22 очко билан "Наполи" эгаллаб турибди.
