Милан инқироз ёқасида: Массимилиано Аллегри жамоа билан шошилинч йиғилиш ўтказди
А Сериянинг сўнгги турида Сассуоло клубидан 2:0 ҳисобида мағлуб бўлган Милан жамоаси қийин аҳволса қолгани сабабли бош мураббий Массимилиано Аллегри футболчилар билан шошилинч йиғилиш ўтказди. Учрашувда мураббий жамоанинг сўнгги ўйинлардаги сусткашлигидан норозилигини билдириб, футболчилардан мавсум якунига қадар масъулиятни ҳис қилишни ва ўйинини тубдан ўзгартиришни талаб қилди.
А Сериянинг сўнгги турида Сассуоло клубидан учралган 2:0 ҳисобидаги мағлубият Милан жамоасини қийин аҳволга солиб қўйди. Чемпионлар лигаси йўлланмаси учун курашаётган жамоа турнир жадвалида учинчи ўринда бормоқда, бироқ Ювентус ва Рома клублари уларни яқиндан таъқиб қилмоқда. Бу ҳақда Goal.com хабар беради.
Бош мураббий Массимилиано Аллегри Миланелло қароргоҳида футболчилар билан кескин руҳдаги йиғилиш ўтказди. Мураббий жамоанинг сўнгги ўйинлардаги сусткашлигидан норозилигини билдириб, футболчилардан мавсум якунига қадар масъулиятни ҳис қилишни ва ўз ўйинларини тубдан ўзгартиришни талаб қилди.
Аллегри ўз нутқида 10 ой давомида қилинган меҳнатни эслатиб, жамоа олдига қўйилган мақсадларга эришиш учун барча бирдек жавобгар эканлигини таъкидлади. У футболчилардан нафақат тактик жиҳатдан, балки клуб нуфузи ва мухлислар ишончини оқлаш учун майдонда бор кучини сарфлашни сўради.
Олдинда қолган Аталанта, Женоа ва Каляри клубларига қарши ўйинлар Милан учун ҳал қилувчи аҳамиятга эга. Агар жамоа Чемпионлар лигаси йўлланмасини қўлга кирита олмаса, ёзги трансферлар ойнасида клуб таркибида жиддий ўзгаришлар амалга оширилиши кутилмоқда.
Изоҳлар 0
…