Футбол юлдузи Криштиану Роналду ўз интервьюсида бир вақтлар Лондондаги "Арсенал" клубига трансфер қилинишига жуда яқин бўлганини маълум қилди.
"Арсенал" ўйинларини томоша қилганимда, мен уларга рақиб сифатида қарамайман, чунки бир пайтлар бу клубга ўтишимга оз қолганди. Шунинг учун улар ғалаба қозонганида, мен уларнинг муваффақиятидан хурсанд бўламан," — деди Роналду Пирс Морган билан суҳбатда.
Шунингдек, Роналду "Арсенал" жамоаси 2025/2026 йилги мавсумда Англия чемпиони бўлиши мумкинлигини таъкидлади.
Ҳозирда "Арсенал" Англия Премьер-лигаси турнир жадвалининг биринчи поғонасини эгаллаб турибди. Энг яқин таъқибчи улардан олти очкога орқада қолмоқда.
Микел Артетанинг жамоаси сешанба куни Чемпионлар лигаси доирасида "Славия" клубига қарши ўйин ўтказади.
