Мюнхеннинг "Бавария" клуби бош директори Ян-Кристиан Дризен клубнинг трансфер сиёсати ҳақида фикр билдирди. "Биз даромаддан кўпроқ маблағ сарфламаймиз.
Исталган трансферни амалга оширишга қодирмиз, лекин ҳар қандай футболчини сотиб олиш ниятимиз йўқ, айниқса ҳар қандай нархда. Биз ўз маблағларини ишлаб топишда кўп меҳнат қиладиган клубмиз ва бу борада биз билан рақобатлашадиган бошқа клубларга нисбатан анча қийинчиликларга дуч келамиз.
Бизда бир неча миллионни чўнтагидан чиқариб бера оладиган одамлар йўқ. Лекин биласизми? Менимча, бу яхши!" — дея таъкидлайди функционер EuroFoot нашрига берган интервьюсида.
"Бавария" Германия чемпионатининг дастлабки тўққиз туридан кейин 27 очко жамғарган ҳолда мусобақа жадвалида пешқадамлик қилмоқда.
Жамоа шу мавсумда барча тўққиз ўйинда ғалаба қозониб, жами 33 та гол уришга муваффақ бўлган.
