Миланнинг "Интер" клуби келаси йил учун трансфер режасини тузишни бошлади. "Нерадзуррилар"нинг устувор вазифаси ҳимояни кучайтиришдир.
Имзолар қачон қўйилиши – январда ёки ёзда – клубнинг имкониятларига боғлиқ, дея хабар бермоқда инсайдер Фабрицио Романо. Шунингдек, клуб мавсум якунланганидан сўнг янги дарвозабонни таркибга қўшишни режалаштирмоқда.
Бугун Кристиан Киву жамоаси Чемпионлар лигаси умумий босқичининг тўртинчи турида ўз майдонида Қозоғистоннинг "Қайрат" клубига қарши ўйин ўтказади. Учрашув Тошкент вақти билан соат 01:00 да бошланиши режалаштирилган.
А Серияда эса "Интер" ўн турдан кейин жадвалда иккинчи ўринда бормоқда ва бир очко фарқи билан "Наполи"дан орқада қолмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
