Москванинг ЦСКА клуби собиқ футболчиси Валерий Масалитин Россия терма жамоаси ва ПСЖ дарвозабони Матвей Сафоновнинг келгуси фаолияти ҳақида фикр билдирди. "Албатта, Сафоновга Европа қитъасида қолиш яхшироқ, агар таклифлар мавжуд бўлса.
Германия ёки Испанияни кўриб чиқиши мумкин. Билмайман, у ҳозир Англияга ўта оладими, эҳтимол у ердан таклифлар тушмас.
Португалиянинг кучли учлигидаги клубларни ҳам вариант сифатида кўриб чиқиш мумкин", - дейди Масалитин "Газета.Ру" нашрига. Эслатиб ўтамиз, Сафоновнинг ПСЖ клубидан кетиши ҳақидаги миш-мишлар ёз фаслидан бери давом этмоқда.
Ҳозирча россиялик дарвозабон жорий мавсумда Луис Энрике бошқарувидаги жамоа сафида бирорта ҳам учрашувда майдонга тушгани йўқ. Унинг асосий рақиби эса "Лилл" клубидан 40 миллион евро эвазига сотиб олинган Люка Шевалье ҳисобланади.
Масалитиннинг сўзларига кўра, Сафоновнинг ҳозирги ҳолати ПСЖ клубида ўзи учун қулай бўлиши ҳам мумкин.
