Машҳур шарҳловчи Геннадий Орлов Чемпионлар лигасида ғолибликка асосий даъвогар бўлган жамоаларни тилга олди. Унинг фикрича, Европа футболининг олтита гранди, жумладан, Англия Премьер-лигасининг уч жамоаси фаворит ҳисобланади.
- "Реал Мадрид" ўз муаммоларига қарамай, "ПСЖ", "Бавария", "Арсенал" ва "Ливерпуль" билан бир қаторда Чемпионлар лигасининг асосий фаворитларидан бири бўлиб қолмоқда. Бундан ташқари, бугун биз Гвардиоланинг "Манчестер Сити"си ва Эрлинг Холандни яна кўрамиз.
Ушбу жамоалар асосий соврин учун курашадиган бош даъвогарлар", – деди Орлов "Чемпионат" нашрига берган интервьюсида. Шу билан бирга, Орлов "Барселона"ни бу рўйхатга киритмасликка қарор қилганини таъкидлади.
Унинг фикрича, каталонияликлар ҳозирда кўплаб муаммоларга дуч келмоқда. Ҳозирги кунда Чемпионлар лигасининг турнир жадвалида "Бавария" ва "Арсенал" 12 очкодан тўплаб етакчилик қилмоқда.
Шунингдек, "Интер" ҳам очко йўқотмаган, лекин Кристиан Киву бошқарувидаги жамоа ҳали тўртинчи тур ўйинини ўтказмаган.
