Франциянинг "Марсель" клуби Чемпионлар лигасида муваффақиятли ўйин кўрсата олмаяпти. Жамоа дастлабки тўрт учрашувдан учтасида мағлубиятга учради.
Сўнгги турда эса клуб Италия вакили "Аталанта"га 0:1 ҳисобида ютқазди. Ўйиннинг сўнгги дақиқаларида "Марсель" футболчилари рақибнинг қўл билан ўйнагани сабабли пенальти талаб қилишди.
Аммо ҳакамлар бу даъвони эътиборсиз қолдиришди. Клубнинг спорт директори Мехди Бенатия вазиятга ўз муносабатини билдирди.
"Бу соф пенальти эди, Эдерсоннинг қўл билан ўйнаганини ҳамма кўрди. Бу биз учун Чемпионлар лигасида иккинчи шундай ҳолат.
"Реал"га қарши ўйинда бизнинг дарвозамизга шубҳали пенальти белгилашди, бу сафар эса бизга пенальти беришмади. Ҳакамлар бизга нисбатан ноҳақ ва ҳурматсиз муносабатда бўлишмоқда", - деди Бенатия.
Кейинги турда "Марсель" Англиянинг "Ньюкасл" жамоасига қарши майдонга тушади.
