Киву 'Интер'нинг хатоларини таҳлил қилди
Миланлик ъИнтеръ бош мураббийи Кристиан Киву Чемпионлар Лигаси доирасида ъҚайратъ устидан 2:1 ҳисобидаги ғалабадан сўнг жамоасининг хатоларини таҳлил қилди. У жамоа баъзида шошилиб ҳаракат қилгани ва ўйинни яхшироқ ташкил этиш мумкин бўлганини, бироқ кейинчалик ҳаммаси тўғри бажарилиб, ғалаба қозонилганини айтди. ъИнтеръ сафида Лаутаро Мартинес ва Аугусто Карлос гол урган бўлса, ъҚайратнинг ягона голига Офри Арад муаллифлик қилди.
'Интер' бош мураббийи Кристиан Киву Чемпионлар Лигаси доирасида Қозоғистоннинг 'Қайрат' жамоасига қарши учрашувдаги ғалабадан сўнг ўз фикрларини билдирди. 'Интер' ўз майдонида ўтган қийин учрашувда 2:1 ҳисобида ғалаба қозонди.
Румин мутахассис УЕФА матбуот хизматига берган интервьюсида қуйидагиларни айтди: 'Баъзида шошилиб ҳаракат қилдик, ўйинни яхшироқ ташкил қилишимиз мумкин эди. Аммо кейин ҳаммасини тўғри бажардик, гол урдик ва ғалаба қозондик.'
Учрашувда 'Интер' сафида Лаутаро Мартинес ва Аугусто Карлос гол муаллифига айланди, меҳмонлар эса Офри Араднинг аниқ зарбаси орқали ҳисобни қисқартиришга муваффақ бўлишди.
Тўрт турдан сўнг 'Интер' 12 очко билан турнир жадвалида учинчи ўринни эгаллаб турибди. Жамоа ҳали бирор очко йўқотмаган учта клубдан бири ҳисобланади.
Кейинги турда 'Интер' 26 ноябрь куни Мадриднинг 'Атлетико' жамоасига сафар қилади.
Изоҳлар 0
…