Жорий мавсум Европа футболининг энг самарали ҳужумчилари — Килиан Мбаппе ва Эрлинг Ҳааланд ўртасидаги рақобат янада қизғинлашмоқда. Ҳар икки футболчи ўз жамоалари сафида юқори натижалар кўрсатиб, гол уриш бўйича етакчи бўлиб турибди.
Статистикага кўра, “Реал Мадрид” ҳужумчиси Килиан Мбаппе 16 та ўйинда майдонга тушиб, 18 та гол урган ва 2 та голли узатма амалга оширган. Франциялик футболчи айниқса Ла Лига ва Чемпионлар лигасидаги ишончли ўйинлари билан ажралиб турибди.
“Манчестер Сити” етакчиси Эрлинг Ҳааланд эса 15 та ўйинда 19 та гол киритиб, 1 та голли пас билан рақибларга жиддий босим ўтказмоқда. Норвегиялик футболчи АПЛда ўзининг барқарор ўйини ва самарадорлиги билан энг кучли тўпурар номига даъвогарлигини кўрсатмоқда.
Мутахассислар фикрича, Мбаппе ва Ҳааланднинг бу йилги рақобати Европа футболида янги тарих яратмоқда. Уларнинг ҳар иккиси жамоалари натижасига бевосита таъсир кўрсатиб, мавсум якунига қадар “Олтин бутса” учун курашда асосий номзодлардан бири бўлиб қолмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
