Криштиану Роналду Ирландия ва Португалия терма жамоалари ўртасидаги учрашувда тирсаги билан зарба бергани учун қизил карточка олди. Аввалига у сариқ карточка билан жазоланган эди, бироқ ВАР тизими аралашувидан сўнг жазоси қаттиқлаштирилди.
Ижтимоий тармоқларда 40 ёшли футболчининг рақиб футболчилардан бирини "йиғисини ўчиришга" ишора қилиб, камситувчи ҳаракат қилганини кўрсатувчи видеолар пайдо бўлди. Орадан кўп ўтмай, Роналду қизил карточка олиб, майдонни тарк этди.
Португалия терма жамоаси Ирландияга сафарда 0:2 ҳисобида мағлуб бўлиб, 2026 йилги Жаҳон чемпионатига муддатдан олдин йўлланма олиш имкониятини бой берди. Энди португаллар Роналду иштирокисиз Арманистонни мағлуб этиши ёки 16-ноябрь куни ўтказиладиган гуруҳдаги бошқа ўйиннинг улар учун қулай натижа билан якунланишини кутиши керак.
Меҳмон гуруҳидаги фойдаланувчилар ушбу мақолага изоҳ қолдира олмайди.
