Криштиану Роналду Ирландия ва Португалия терма жамоалари ўртасидаги ўйинда қизил карточка олди. Ҳужумчи Жаҳон чемпионати саралашининг Арманияга қарши қолган ўйинини ўтказиб юбораши аниқ.
Энди бу иш ФИФАнинг интизомий қўмитаси томонидан кўриб чиқилади. Yahoo!
Sports хабарига кўра, ФИФА тахминан уч ҳафта ичида, яъни декабрь ойида қарор чиқаради. Ташкилот вақтга шошилмаяпти, чунки Европа терма жамоалари учун навбатдаги халқаро ўйин ойнаси яқин эмас.
Роналду икки ёки уч ўйинга дисквалификация қилиниши хавфи остида. Барчаси ФИФА интизомий қўмитасининг унинг тирсак ҳаракатини қандай баҳолашига боғлиқ.
Агар дисквалификация бир ўйиндан ортиқ бўлса ва Португалия март ойидаги плей-офф босқичисиз тўғридан-тўғри Жаҳон чемпионатига йўлланма олса, Криштиану 2026 йилги мундиалнинг бошланишидан бир нечта ўйинни ўтказиб юбориши мумкин. Шу билан бирга, ФИФА вакиллари жума куни Роналду иши бўйича якуний қарор қачон қабул қилиниши ҳақида маълумот беришдан бош тортди.
Меҳмон гуруҳидаги фойдаланувчилар ушбу мақолага изоҳ қолдира олмайди.
