2026-йилги Жаҳон чемпионати саралаши доирасида бугун Германия терма жамоаси Словакия терма жамоасини қабул қилади. «Евро-Футбол.Ру» нашри учрашувдаги эҳтимолий таркибларни тахмин қилди.
Германия терма жамоаси эҳтимолий таркиби: Бауман (дарвозабон), Раум, Та, Антон, Баку, Павлович, Горецка, Сане, Вирц, Гнабри, Вольтемаде. Словакия терма жамоаси эҳтимолий таркиби: Дубравка (дарвозабон), Ганцко, Оберт, Шкриньяр, Дьомбер, Риго, Лоботка, Беро, Гараслин, Стрелец, Дюриш.
Илк турда Словакия Германия устидан 2:0 ҳисобида ғалаба қозонган эди. Бешинчи турда Словакия Шимолий Ирландияни 1:0 ҳисобида мағлуб этди, Германия эса Люксембургга қарши 2:0 ҳисобида ғалаба қозонди.
Германия жаҳон чемпионатига тўғридан-тўғри йўлланмани қўлга киритиш учун дуранг натижа ҳам етарли бўлади. Словакия эса мундиал йўлланмаси учун ғалаба қозониши зарур.
Германия ва Словакия жамоалари бугун, 17-сентябр куни соат 22:45 да Лейпциг шаҳридаги «Ред Булл Арена» стадионида ўзаро майдонга тушадилар. Мазкур учрашувнинг матнли онлайн трансляциясини кузатиб боринг!
Меҳмон гуруҳидаги фойдаланувчилар ушбу мақолага изоҳ қолдира олмайди.
