“Ливерпул” ва Швеция терма жамоаси ҳужумчиси Александр Исак ижтимоий тармоқдаги таҳдидлардан кейин ўзини ҳимоя қилиш мақсадида ит сотиб олди. The Sun нашрининг хабар беришича, Исак бу мақсадда 30 минг фунт стерлинг (34 минг евро) сарфлаган ва доберман зотли ит харид қилган.
Ушбу ит футболчини майдон ташқарисида ҳимоя қилади. Манбаларга кўра, Исак жорий ёзни “Ливерпул”га ўтишидаги мураккабликлар ва юқори трансфер суммаси сабаб бироз қийин ўтказган.
Футболчи майдон ташқарисидаги ҳаётини ҳам тартибга солишни хоҳлаяпти ва ҳимоя учун ит боқиш бу жараённинг муҳим қисми ҳисобланади. Шунингдек, Исакнинг “Ньюкасл”дан кетишни хоҳлаганлиги туфайли ёзда машғулотларни бойкот қилиши ортидан унга таҳдидлар келиб тушган.
Яқинда эса бундай таҳдидлар яна қайта кузатилган, хусусан, Швеция терма жамоаси Жаҳон чемпионати – 2026 саралаш босқичида гуруҳда сўнгги ўринни эгаллаганидан кейин бошқа футболчилар ҳам таҳдидларга учраган.
Меҳмон гуруҳидаги фойдаланувчилар ушбу мақолага изоҳ қолдира олмайди.
