Франция Лига 1 мусобақасининг 13-турида "Лилль" клуби "Париж"га қарши майдонга тушиб, қизиқарли ва сермаҳсул ўйинда 4:2 ҳисобида ғалаба қозонди. Ўйин 11-дақиқада "Париж"нинг ҳисобни очиши билан бошланди.
Венсан Маркетти узоқ масофадан зарба йўллаб, тўпни устунга урди, Виллем Жеббель эса қайтган тўпни дарвозага жойлади — 0:1. Бироқ танаффусга яқин, "Лилль" сафидан Ромен Перонинг узатмасини Оливье Жиру муваффақиятли якунлаб, ҳисобни тенглаштирди — 1:1.
Иккинчи бўлимда, 77-дақиқада Оливье Жиру пенальти ишлатиб, "Лилль"ни олдинга олиб чиқди — 2:1. Орадан бор-йўғи уч дақиқа ўтиб, Аисса Манди бош билан гол уриб, ҳисобни 3:1 кўринишга олиб келди.
84-дақиқада эса Маркетти ўрнига майдонга тушган Лоанн Дусе дарҳол ўзини кўрсатиб, ҳисобни 3:2 кўринишда ўзгартирди. Аммо сўнгги дақиқаларда Маркус Брохольм пенальти орқали "Лилль"нинг тўртинчи голини уриб, якуний ҳисобни ўрнатди — 4:2.
Мазкур ғалабадан сўнг, "Лилль" турнир жадвалида тўртинчи ўринга кўтарилди, "Париж" эса 12-ўринда қолди. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
