Бельгия клуби "Юнион Сент-Жиллуаз" бош мураббийи Дэвид Юбер Туркиянинг "Галатасарой" жамоаси устидан эришилган сафардаги ғалаба ортидан ўз ҳис-туйғуларини яшира олмади. Чемпионлар Лигаси умумий босқичининг бешинчи тур учрашуви 1:0 ҳисобида якунланди.
"Мен футболчиларга ушбу ғалабадан завқланишни айтдим. Улар бу туйғуни ҳис қилишлари, эслаб қолишлари ва кейинги ўйинларда ҳам шу руҳни сақлашлари муҳим.
Мен учун бу мураббий сифатида катта фахр. Биз босиб ўтган йўллар, қилаётган ишлармиз ва ўсишимиздан фахрланаман.
Кўп жиҳатдан яхшиланиб бормоқдамиз. Бугунги ўйинни кўриб, қийин вазиятларда ҳам бирдамликни кўриш мумкин.
Менимча, бугунги кунни ифодалаш учун энг тўғри сўз бу "фахр"," деди Юбер RTBF нашрига берган интервьюсида. "Ҳимоявий ўйинда ҳамма нарса идеал бўлмаган, бироқ идеалликка яқин бўлди.
Биз ўз имкониятларимиздан фойдаландик ва энг муҳими, охиригача дарвозамизни дахлсиз сақлай олдик." Ўйиндан кейинги атмосфера ҳақида Юбер шундай деди: "Кўп мусиқа ва кулги бўлди. Бу жуда яхши.
Меҳмонхонада яна бир оз нишонлаймиз. Аммо эртадан бошлаб барча эътиборимиз "Андерлехт"га (чемпионатдаги рақибимиз) қаратилади." "Юнион" 6 очко билан 22-ўринда, "Галатасарой" эса 9 очко билан 11-ўринда бормоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
