«Арсенал» жамоасининг вингери Нони Мадуэке яқинлашиб келаётган собиқ жамоаси «Челси»га қарши ўйин ҳақидаги фикрларини билдирди. Лондоннинг икки гранд жамоаси ўртасидаги баҳс якшанба куни «кўклар» майдонида бўлиб ўтади.
«Челси»га қарши ўйинни сабрсизлик билан кутяпман. Футболдан саккиз ҳафта узоқда бўлганимдан сўнг, ҳозир ҳар бир ўйинга чиқишни интиқлик билан кутяпман.
Бу биринчи ўрин ва иккинчи ўриндаги жамоаларнинг тўқнашуви бўлади. «Челси» юқори даражада, биз ҳам шундаймиз.
Ажойиб ўйин бўлади», – деди Мадуэке TNT Sportsга берган интервьюсида «Бавария» устидан Чемпионлар Лигаси доирасидаги 3:1 ҳисобидаги ғалабадан сўнг. 23 ёшли инглиз футболчиси «канонирлар»нинг мюнхенликлар устидан эришган ғалабасида ҳал қилувчи гол муаллифи бўлди.
У жорий мавсумнинг июл ойида «Арсенал» сафига қўшилиб, «Челси»дан 55 миллион евро эвазига трансфер қилинган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
