Италиянинг "Аталанта" жамоаси бош мураббийи Раффаеле Палладино Франкфуртнинг "Айнтрахт" клубига қарши ўйинидаги ғалабадан сўнг жамоасига миннатдорлик билдирди. Чемпионлар Лигаси гуруҳ босқичининг бешинчи турида немис клуби устидан 3:0 ҳисобига ғалаба қозонилди.
"Бундан яхшиси бўлиши мумкин эмас эди. Менга билдирилган ишонч учун клубга, шунингдек, бутун ходимларимизга ва, албатта, футболчиларга миннатдорчилик билдираман.
Охирги кунларда улар қандай меҳнат қилганини кўрдим ва улар менга унутилмас бир тунни ҳадя қилишди", – деди Палладино Sky Sport Italia нашрига берган интервьюсида. "Бизни вазиятни ўзгартириш учун, аввало, руҳий жиҳатдан туртки керак эди ва эндиликда биз бунга эришдик.
Муҳими, камтарона қолган ҳолда диққатимизни якшанба куни А Серияда "Фиорентина"га қарши ўйинга қаратиш лозим. Бу ўйин жуда муҳим бўлади." "Айнтрахт" устидан қозонилган ғалаба "Аталанта"га Чемпионлар Лигаси турнир жадвалида 10 очко билан ўнинчи поғонани эгаллаш имконини берди.
Уларнинг рақиби эса 4 очко билан 28-ўринда жойлашган. Эслатиб ўтамиз, яқинда "Аталанта" жамоаси А Сериянинг турнир жадвалининг қуйи қисмида бўлган ҳолатда бош мураббийини алмаштирган эди.
Меҳмон гуруҳидаги фойдаланувчилар ушбу мақолага изоҳ қолдира олмайди.
